同買衫一樣，fast fashion 撞衫撞款， 一來冇個人特色，二來就算搵啱款但唔啱身，都唔會著得舒服同好睇。如果你之前係搵市面上現有嘅DIY網頁平台，可能你會發現自己嘅網站版面同其他人撞款，唔襯你公司/組織嘅風格路線，而功能上又未必切合你嘅需要。我地就可以好似裁縫咁，將現有問題唔啱改到啱，切合番你嘅需要。

好多人唔識設計或電腦程式，就算有唔滿意都唔識改，所以我哋特別強調客製化服務，唔主張使用一式一樣嘅模版(template)。無論喺美觀設計或功能上，都會幫你度身打造最適合你嘅網站。

唔肯定自己個網係咪響應式網站？如果你個網唔識根據唔同裝置(devices)屏幕大細顯示適合嘅排版，就唔係響應式網站啦～如果其他人用手機/平板電腦睇就要拉大拉細，睇得好辛苦。

我哋提供嘅所有網站都係響應式網站(Responsive Website)，自動感應到用家用緊咩裝置睇，再顯示睇得最舒服嘅排版，就唔駛再放大縮細啦～

唔少人因為唔識電腦程式編寫，就算有網站但內容就一直冇得更新。我哋嘅網站會包埋方便易用嘅後台管理系統(CMS)，令你或你嘅員工就算唔識電腦程式編寫，都可以輕易更新網站內容。

如果真係完全唔識用電子產品而需要技術人員協助，我哋嘅升級方案仲可以幫你更新添～

網站有齊所有產品資料但冇得喺網站俾錢？宜家人人強調一站式服務，如果網站冇得直接俾錢，肯定會流失好多潛在客戶（Potential Customers）。

我哋嘅網站可以透過信用卡（Paypal/ AsiaPay）或電子支付工具（e.g. Payme）付款，提供最佳體驗俾你嘅客戶，令你嘅網站成為一個唔只收到錢，仲搵到錢嘅網站。

有網站之後，最緊要多人搵到。如果搜尋關鍵字，要喺搜尋結果碌到最尾嗰頁先搵到你個網站，會非常影響網頁成效。我哋會為網站做埋基礎搜尋引擎優化（Search Engine Optimization friendly setting），令其他人更容易搵到你個網。